A Asociación de Empresas de Eficiencia Energética (A3E) e ENERGAL organizan unha xornada formativa o 3 de Febreiro na Feira ENERXÉTIKA.
A3E, Asociación de Empresas de Eficiencia Energética e ENERGAL, como Delegación en Galicia de A3E estarán presentes en ENERXÉTIKA 2022, feira de referencia a nivel nacional e internacional sobre a eficiencia enerxética que terá lugar os vindeiros 3, 4 e 5 de Febreiro no recinto da Feira Internacional de Galicia ABANCA de Silleda.
A maiores de dispoñer dun stand propio de A3E na feira, a Asociación, en colaboración con ENERGAL, organiza unha xornada técnico-informativa sobre os Contratos de Servizos Enerxéticos, máis coñecidos como ESE, no que mediante a contratación de terceiros, un organismo ou empresa implanta medidas de aforro que, mediante a xestión enerxética e o mantemento con garantía total, permite financiar a inversión a realizar durante un período determinado.
Esta xornada formativa, que terá lugar o xoves 3 de Febrero ás 10:00 na Sala 1 Abanca da Feira Internacional de Galicia de Silleda, estará presentada e moderada polo Xefe de Proxectos de ENERGAL e Delegado en Galicia de A3E, Iván Andrade, contará coa presenza do xerente de A3E Antonio López-Nava; o xefe do Departamento de Enerxía do INEGA Juan Ignacio Rodríguez; Pablo Rodriguez da empresa ENERGEA; José Enrique Alcázar, enxeñeiro do Concello da Coruña e Co-autor da filosofía Slowlight; David Pocero como Director de Eficiencia Energética de Ferrovial e Luis Lamas Álvarez como Concelleiro de Obras e Servizos do Concello de Carballo.
Podes ver e descargar o programa no seguinte link.
