A Consellería de Infraestruturas e Mobilidade, a través de Augas de Galicia, ven de publicar o pasado mércores no Diario Oficial de Galicia (DOG) a ampliación do crédito das axudas aos concellos para identificar e erradicar as fugas de auga nas redes municipais de abastecemento, mobilizando un orzamento total de case 600.000€.
As axudas van dirixidas aos concellos responsables de sistema de abastecemento, unha materia de competencia local, que teñen unha poboación igual ou inferior a 50.000 habitantes.
O importe dos incentivos será do 80% do investimento subvencionable, establecéndose un límite máximo por solicitude segundo a poboación do edificio. O límite oscila entre un máximo de 10.000€, para os concellos de máis de 20.000 habitantes e ata 50.000 habitantes; e os 6.000€ para os que contan con ata 2.000 habitantes. Para o resto dos concellos, fíxase o límite en 7.500€ para os que contan cunha poboación de ata 5.000 habitantes; e 8.000€ para os municipios de ata 10.000 habitantes.
Foto: La Voz de Galicia
