O pasado venres 11 de marzo o director de Energal, José Bello, impartiu unha ponencia sobre contratos de xestión enerxética dentro do Máster en Ciencias, Tecnoloxías e Xestión Ambiental da Universidade da Coruña, continuando a estreita colaboración que Energal ten coa entidade de cara á formación e tecnificación de futuros profesionais do ramo.
Nela, os alumnos asistentes tiveron ocasión de coñecer como funciona o mercado enerxético español, como opera unha ESCO (Energy Service Company), ou como funcionan actualmente os contratos de xestión enerxética tamén denominados ESE. En definitiva, aspectos que forman parte da especialidade profesional de Energal e para os que conta con profesionais de acreditada solvencia.
