O compromiso do Goberno español con Bruxelas para reducir un 7% o consumo do gas ata a próxima primavera é ineludible. O país está lonxe de cumprir o obxectivo tan só co plan de aforro enerxético.
Datos públicos de Enagás (xestor do sistema gasístico en España) evidencian que a demanda aumentou nun 4% ata o 23 de agosto.
O plan de choque de aforro e xestión enerxética en climatización, impón a obrigatoriedade aos recintos habitables acondicionados de uso administrativo, comercial e cultural de limitar a temperatura do aire acondicionado e da calefacción a 27 e 19 graos, respectivamente. En bares e restaurantes onde a actividade é moderada, poderán baixar o termostato a 25 graos no verán. Os locais deberán contar cun sistema de cerre de portas adecuado a partir do 1 de outubro para garantir que non escape nin o frío nin o calor do interior.
Fonte: La voz de Galicia
