O Pacto Europeo das Alcaldías para o Clima e a Enerxía é unha iniciativa europea que nace no 2008, á cal se suman voluntariamente gobernos locais e rexionais, adquirindo mediante a súa adhesión ao pacto, uns compromisos en materia de clima e enerxía comúns a toda a UE para aplicalos ao seu territorio.
En xuño de 2016, o Pacto das Alcaldías únese a outra iniciativa a nivel local, a Coalición de Alcaldes, dando lugar ao maior movemento de gobernos locais comprometidos a superar os propios obxectivos nacionais en materia de clima e enerxía. Totalmente en liña cos Obxectivos de Desenvolvemento Sostible da ONU e cos principios de xustiza climática.
O PACES é un instrumento de administración local que está encamiñado a cumprir os obxectivos en materia de mitigación de CO2, así como de adaptación ao cambio climático, definidos no marco de actuación do Pacto das alcaldías en materia de clima e enerxía. Ca realización deste documento, os Concellos adquiriron os seguintes obxectivos medioambientais, co fin de acadar nun futuro, un concello enerxeticamente sostible e resiliente aos efectos do cambio climático:
- Reducir as emisións de CO2 un 40% para 2030, tomando un ano de referencia.
- Aumentar a capacidade de resistencia mediante a adaptación aos impactos do cambio climático.
- Minimizar o consumo enerxético no municipio, con especial incidencia no consumo eléctrico e de combustibles fósiles.
- Incrementar o nivel de implantación das enerxías renovables nun 27%, así coma un aforro no consumo enerxético nun 27%, dende o ano de referencia ata o 2030.
En ERNERGAL, desde o 2020, levamos realizados un total de 31 PACES en toda Galicia, desde concellos de menos de 1000 habitantes como A Bola, hasta concellos con gran nivel de poboación como A Coruña.
