Conmemorando o Día Internacional da Luz, DIL 2023, a Asociación SLOWLIGHT e o Concello de Carballo, coa organización de ENERGAL, promoven conxuntamente a realización de paseo nocturno SLOWLIGHT en Carballo que se integrarán nunha serie de paseos simultáneos realizados noutras dez cidades españolas ao obxecto de contribuír a concienciar á sociedade sobre a importancia dun uso responsable da iluminación artificial.
Os paseos nocturnos Slowlight, que noutras cidades se organizan conxuntamente coa APDI, Asociación de Deseñadores Profesionais de Iluminación, oriéntanse á cidadanía, sociedade civil e institucións interesadas. Realízanse en pequenos grupos de 25-30 persoas que camiñarán deambulando polas rúas e prazas das cidades elixidas, nun percorrido urbano que nos permitirá ir descubrindo os detalles que conformar a paisaxe nocturna da cidade, contribuíndo positiva ou negativamente ao seu embelecemento e lexibilidade. Percorreremos á cidade nocturna cunha mirada colectiva, diferente e plural, como aquela que realizamos cando vemos algo por primeira vez. O paseo estará guiado por un experto en iluminación de ENERGAL, empresa colaboradora de Slowlight, que irá reflexionando en voz alta sobre diferentes aspectos técnicos e emocionais que consideramos clave da paisaxe nocturna, promovendo o diálogo dos asistentes para coñecer a súa percepción e a súa opinión sobre as cuestións expostas. Perséguese por tanto o intercambio de ideas e percepcións sobre o cotián e, ao mesmo tempo, espertar o carácter crítico dos asistentes.
O paseo nocturno de Carballo terá lugar o día 15 de Maio, con saída da Praza do Concello ás 21:30, cunha duración aproximada de 1:30 horas (aproximadamente 2,5km).
Podes anotarte no seguinte correo electrónico notificaciones@grupoenergal.com
