En dous días termina o prazo pasa solicitar o Bono Enerxía Peme que da acceso a subvencións de ata 6.000€ para cubrir o 80% do custo elixible de actuacións para reducir a factura eléctrica.
Este bono vai dirixido a calquera negocio que desenvolva a súa actividade en sectores coma o comercio, hostalaría ou artístico-recreativo, entre outros.
Os fondos poderán ser invertidos en:
– Bono envolvente: Toldos ou láminas de control solar ou térmico (só de cor branco, negro ou variantes destas cores). Non serán subvencionables si levan calquera tipo de publicidade.
– Bono iluminación: Renovación de equipos de iluminación interior e exterior, incluídos ou rótulos e escaparates, por outros que utilicen tecnoloxía LED e os elementos de control asociados.
– Bono instalacións eléctricas: Renovación de transformadores, incorporación ou renovación de sistemas de alimentación ininterrompida, compensación de enerxía reactiva, instalación de filtros economizadores ou similares para mellorar a eficiencia enerxética nas instalacións eléctricas garantindo un subministro de calidade e fiabilidade.
– Bono equipamento: Renovación do equipamento consumidor da enerxía coma cafeteiras, lavalouzas, lavadoras, secadoras, pranchas, vending, mobles frigoríficos, autoservicio e calquera equipo de consumo enerxético propio do establecemento sempre que poida acreditar unha cualificación enerxética B ou superior.
– Bono climatización: Equipos que permitan reducir o consumo de enerxía das instalacións de climatización, ventilación e auga quente sanitaria. Quedan fora deste ámbito os equipos móbiles e os non pertencentes para a climatización de terrazas e outros espazos abertos ao público. Os novos equipos deberán ser de potencia térmica nominal superior a 5kW e ter unha cualificación enerxética B ou superior. Tamén será subvencionable a incorporación de recuperadores de calor, de sistemas de arrefriamento gratuíto, a mellora dos illamentos da instalación de climatización, sistemas de movementos de fluídos caloportadores e de regulación e control.
– Bono inmótica: sistemas domóticos e inmóticos que permitan xestionar a enerxía e o gasto enerxético de forma máis eficiente.
A inversión mínima para que a actuación sexa subvencionable debe ser de 1.000€, sen incluír o IVE.
Poderán ser beneficiarios das subvencións as pequenas e medianas empresas legalmente constituídas e os empresarios autónomos que teñan domicilio social ou centro de traballo en Galicia e cuxa actividade estea incluída entre as seguintes seccións do CNAE 2009:
– Sección G: Comercio por xunto e polo miúdo, divisións de 45 a 47 incluídas.
– Sección I: Hostalería, divisións de 55 a 56 incluídas.
– Sección R: Actividades artísticas, recreativas e de entretemento, divisións de 90 a 93 incluídas.
– Sección S: Outros servizos, só as divisións 95 e 96.
Serán subvencionables os gastos e inversións realizados entre o 1 de xaneiro e o 20 de outubro do 2022.
A presentación das solicitudes realizarase unicamente por medios electrónicos a través do formulario electrónico da sede electrónica da Xunta de Galicia e na páxina web do Inega.
Fonte: Inega e Xunta de Galicia
